LAAA e khetha ramatlotlo

Raliphatlalatso oa mokhatlo oa mabelo (LAAA) monghali Sejanamane Maphathe o hlalositse hore mokhatlo oa habo o tla tšoara seboka se akaretsang ka la Tharo Pulungoana Scripture Union, Maseru.

DSCN0027 (2)
Monghali Sejanamane Maphathe

Seboka sena sa bo 22 se tla keneloa ke batho ba bararo ho hlaha literekeng kaofela tsa naha.

Monghali Maphathe o bontšitse hore ke seboka se tlaelehileng empa hobane ngoahola eo e neng e le ramatlotlo o ile a khetheloa ho ba mookameli oa mokhatlo ka hona litho li tla lokela ho koala sekheho seo.

Baikiti ke:

  1. Monghali Kokoliea Mokonyana – Mafeteng
  2. Mofumahali Lepetla Khiba – Maseru
  3. Monghali Seabata Sephachana – Berea
  4. Monghali Makhalemele Nkoebe – Leribe
  5. Monghali Ntsapi Maboleli – Mokhotlong

Ke mosali a le mong fela ka hara banna ba bane.

A re likatleho tseo ba li fitletseng selemong sena se felang ke hore sehlopha sa bona sa bacha se ile sa leba Afrika Boroa, eaba sebapala hantle haholo se tla le likhau. Sehlopha se seng se ne se ile Mauritius le sona sa tla le khau ea khauta.

Eaba sehlopha se seng se leba Nigeria le teng ba tla le khau ea bronze. A re ba ile lipapaling tsa li Commonwealth Australia tsa 2018 eaba ba sebetsa hantle empa ha ba ea fumana likhau.

A supa hore Lerato Sechele o ile a hlaha boemong ba bone papaling ea triple jump. A bontša hore ba bile le liqholotso tsa ho lokisa lihlopha, ‘me ke eona taba ea hore e be lihlopha tse ling li sitiloe ho hapa likhau ke hobane ha li ka ba tsa fumana nako e lekaneng ea ho koetla.

A re ke ‘nete mabelo ke papali ea motho ka mong ha ba hlokahale hore ba tlo ba ‘moho, empa le ha ho le joalo bakoetlisi ba bile le qholotso ea ho ba sala morao ho bona hore na moo ba le teng ba ntse ba sebetsa hantle kapa che.

A bontša hore ba tsebile ho chakeloa ke mokoetlisi ea tsoang Botswana a tšoara thupelo (Seminar) ea matsatsi a mararo. ‘Me mokoetlisi eo o ile a hlalosa hore Basotho ba na le bokhoni ba ho sebetsa hantle mabelong a ho tloha ho 800 m hoea holimo.

Monghali Maphathe a re ho bonahala tšebetso ea Lesotho e ntse e theoha, empa ba ka tseba ho fumana likhau ha ba ka sebelisa monyetla oo ba nang le oona. Monghali Maphathe a toboketsa hore mokoetliso enoa o ne a koetlisa bakoetlisi ba Lesotho ka matsatsi ao a marao a qetileng a le hae mona.

A supa hore batho bohle ba fitileng matsohong a Motsoana enoa lipakeng tsa Phupu le Phato ba sebetsa hantle haholo ka morao ho koetliso eo.

Raliphatlalatso oa LAAA a phethela ka hore ba bitsitse baokameli hotsoa literekeng, eaba ba phura leshoetla ‘moho ba le Maseru ba eletsoa ka hore ba bone moo ba leng hona teng hore papali ea mabelo ea ntlafala.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close