Mokhatlo oa papali ea marungoana (Lesotho Darts Association) ba hlophisitse lipapali tse tla thakhoha ka la 24 Hlakola, monongoaha Koalabata.
Tlholisano ena e bitsoa ISKA.
Lipapali tsena li tšehelitsoe ka bokhothokhotho ba chelete e likete li 10,000 tsa maluti. Li tla keneloa ke lihlopha tse 16 kaofela tse bapalang tlasa mokhatlo oa LDA.
Ho ea ka Raliphatlalatso oa mokhatlo oa LDA monghali Mpeako Phororo lihlopha tse 10 ke tsa bohareng ba naha ha tse tharo e le tsa Leboea, e be tse tharo hape tsona ke tsa ka Boroa.
Monghali Phororo o supile hore o tla re hlalosetsa ha morao hore na lihlopha tse hlotseng ha tlholisano e fitlela pheletso li tla abeloa chelete eo joang.
Lihlopha li tla koebana ka tsela e latelang:
- Leseli vs ISKA
- MIA vs Mali
- Mali vs NUL
- ISKA vs LDF
Ho sa le joalo kajeno ka hora ea bobeli le ea bone ho tla bapaloa lipapali tsa bolo ea maoto tlasa sekhele sa Econet Premier League eo e sitiloeng ho tsoelapele ka lebaka la pula ha e ne e lokela ho bapala.Tsona li tla nkhisetsana mahafi joana:
- Sefothafotha vs LCS (14:00)
- LMPS vs Liphakoe (16:00)
Lesotho Sports Blizz 