LBA e koala likheo

LP VS LSR IN THE 2018 PLAY OFFS FINALS (2)
Lihlopha tsa basketball lebaleng la Lehakoe Maseru liqothisana lehlokoa

Mokhatlo oa Baskeball o thontše litho tse peli ho koala likheo tse sa leng li ba teng pejana monongoaha.

Re tla hopola hore litho tse ‘ne tsa komiti tsa mokhatlo ona li ne li itokolle eaba ho sala likheo.

Ho ea ka polelo e ntšitsoeng ke mookameli oa mokhatlo monghali Koma Adris monghali Thabo Matooane o thontsoe e le raliphatlalatso e mocha, eaba monghali Tšeliso Kheleli eena o koala sekheo sa mookameli oa baletsaphala.

Hape komiti e entse qeto ea hore mookameli a tsoe a ntse a tšoere molepo e le mookameli oa ntlafatso ea basketball.

Monghali Adris o supile hore ba ntse ba buisana ka hore na e be e tla ba mang ea tla thiba sekheo sa mookameli oa litaba tsa basali ka hara mokhatlo.

Mookameli oa mokhatlo oa basketball o totobalitse a se na qeaqeo ea hore batho bana ba khethiloeng ho koala likheo ba na le boiphihlelo bo ba tlang ho bosebelisa ho ntšetsa mokhatlo pele, ka hona a balakaletsa mahlohonolo mosebetsing oa bona o mocha.

Le ha ho le joalo monghali Adris o supile hore khetho ena e tla hlohonolofatsoa ‘mokeng o akaretsang oa mokhatlo o tla tšoaroa ha morao selemong sena ho latela molao oa motheo oa LBA.

Ha a thetha puo ea hae mookameli o supile hore lipapali tsa tikoloho (AUSC Region 5) tse tla tšoaroa koano hae isao e tla ba monyetla o motle oa hore libapali tsa habo li fumane boiphihlelo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close