Semunye e hula ka falese

LMPS FC (2)
Sehlopha sa Lesotho Mounted Police Service (Semunye)

Libapali tsena tse bapalang khafetsa ke sehlopha sa Lesotho Mounted Police Service  li etsa  hore sehlopha se sebetse ka thata.

E se e le tloaelo joale hore Semunye e bapale khafetsa ka mora matsatsi a mabeli fela.

“Taba ena ha e molemong oa sehlopha hohang”, ho bolela phala ea sehlopha monghali Mosiuoa Lekhooana.

Monghali Lekhooana o boletse litaba tsena ka morao ho hore ba tlaboloe ke sehlopha sa Lioli ka lintlha tse peli ho e le ngoe mafelong a beke e fitileng.

Ho sa le joale Semunye e ne e ile ea bapala le moena oa eona Sefothafotha eaba ba khitla Sefothafotha ka lintlha tse peli ho e le ngoe.

Hape ka la 27 khoeling ena ba tlo bapala papali e matla haholo le sehlopha sa Bantu. Papaling ena Semunye e lata letailane.

“Le ha re ka leka ho iphapanya bahlankana bona ba bolaoa ke mokhathala haholo”, ho toboketsa ralipatlalatso oa Semunye.

Lekhooana o tsoetsepele ho hlalosa hore ba kopa batšehetsi hore ba tle ka lipalo tse phahameng haholo mabaleng kaha ba ba tšepisa hore sehlopha se tla sebetsa ka thata ho bona hore ba fihla papaling  eo ba itukisitse ho lekana hore ba ka e hapa.

Raliphatlalatso o supile hore taba ena ea hore ba bapale khafetsa e bakiloe ke hobane ba na le libapali tse ‘ne tse bapallang sehlopha sa naha Likuena.

Joale Likuena e ntse e bapala lipapali tse sehlotšoana, ka hona lipapali tsa Semunye li ile tsa lokela ho chechisoa.

“Motho o ne o ka lebella hore ha re bapetse Laboraro re bapalisoe ka Sontaha papali e hlahlamang ,empa ha ho joalo”, ho bolela monghali Lekhooana.

A etsa mohlala ka hore ka mora papali ea bona le Bantu hara beke , ka moqebelo ba se ba koebana le Linare ea Leribe.

O phethetse litaba tsa hae ka hore ke tšepo ea hae hore batsamaisi ba liki  ka hara naha ba tla sheba litaba tsa bona ka leihlo la mohau..

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close