Sehlopha sa Majantja se phatlalalitse metsi ao se tlang ho a rekisa ka sepheo sa ho holisa mokotla.
Mongoli oa sehlopha monghali Katiso Mohlalisi o bontšitse hore metsi ao a na le letšoao la Majantja.
Ka hona ba lebeletse hore bahoebi ba Mohales’hoek ba rekise metsi ao.
Ka hona komiti ea “Fundraising e tla bona hore metsi ao a ea rekisoa hohle hobane a tla pharalla le naha ea Lesotho hobane Majantja a teng hohle.
“Libapali tsena li tlo lefuoa ka sehlahisoa sena se metsi a sehlopha sa Majantja”, ho bolela mookameli oa komiti ea sehlopha sa Majantja monghali Masiphule.
A toboketsa hore sehlopha se tla fumana Maluti a mabeli botlolong e ngoe le engoe.
A hlalosa hore ke lekhetlo la pele Lesotho mona ho ba le sehlopha se bang le sehlahisoa sa mofuta ona. Monghali Masiphule a supa hore sehlahisoa sena ke molleloa.
A mema batho bohle ho reka metsi a Majantja e le tšehetso ho sehlopha, le hore libapali li fumane moropotso ka moso.
Lesotho Sports Blizz 