Majantja e bapatsa metsi

IMG-20200208-WA0018 (2)
Metsi a bapatsoang ke sehlopha sa Majantja a tsebahala ka lets’oao (Logo) la sehlopha

Botsamaisi ba sehlopha sa Majantja sa Mohales’hoek ka morao ho hore bo hlahise metsi a rekisoang bo ntse bo le lipuisanong le bahoebi ba tikoloho ea Mohales’hoek.

Puisanong le mohlanka oa likhokahanyo oa sehlopha seo monghali Lehlohonolo Moeketse, sepheo sa hoja lekomo le bahoebi bao ke hore ba rekise sehlahisoa seo sa Majantja.

Ke lekhetlo la pele nalaneng ea Lesotho hore ho be le sehlopha sa bolo ea maoto se rekisang metsi.

Sehlopha sena se bapalang mokhahlelong oa bobeli (A Division) se tlile ka molleloa ka hara naha. Ha ho potang hore ha khoebo ena e ka tsamaea hantle libapali tsa Majantja li tla fumana mokholo o hlamatsehang.

Mookameli oa komiti e tsamaisang sehlopha seo monghali Matsana Masiphule o hlalositse hore sepheo sa ho rekisa metsi ao ke hore bahlankana ba imone menoanoa ka ho fumana mekholo haufinyane.

Bahoebi le batho ka bomong ba ratang ho reka metsi ana a sehlopha sa Majantja ba ka letsetsa linomorong tsa mehala tse latelang:  62010383/58010383/64000018, teng ba tla fumana raliphatlalatso oa sehlopha monghali Moeketse.

mde
Monghali Lehlohonolo Moeketse

Ho sa le joalo sehlopha sa Majantja se lebahanya thebe le sa Machokha hosane Mohales’hoek.

Monghali Moeketse o supile ha ba itlhophile haholo, ‘me ba tla iphetela mohoalotso.

“Re nepahetse sehlopha sa Machoka re tla se khabela hosane”, ho toboketsa monghali Moeketse.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close