Simunye e khitla Lioli lefetšoaneng

Lesotho_Mounted_Police_Service_FC[1]Ka mora nako e telele sehlopha sa mapolesa a Lesotho se bonahala se sa sebetse hantle e bile se na le mokoetlisi oa ka linako tsohle, se tsohile molota.

Sena se hlahelletse ha sehlopha se tlabola sehlopha sa Lioli ka lintlha tse peli ho e le ngoe (2-1) ka Laboraro le fitileng.

Lilemong tse fitileng ha Lioli e ne e kopana le Simunye re ne re lebella hore ba ‘muso ba fete bohalotso kapa bonyane libapale ka ho lekana.

Hoea ka raliphatlalatso oa sehlopha sa Simunye monghali Mosiuoa Lekhooana ea bonahetseng hlathe e lelekisa tsebe ntlha ea pele e kene motsotsong oa bo 28 ka le leoto la Nkau Lerotholi .

Ke moo Lioli e ile ea arabela  ka ho lekanya lintla motsotsong oa bo 60 papali e tsoelapele.

Taba eo ha e kaba ea thabisa sehlopha sa LMPS empa sa e baka materebe ho feta, eaba Tšepo Seturumane o totomela ntlha ea bobeli ha metsotso e le 81 papali e ntse e khikha.

“Tlholo ena e bile bohlokoa haholo ho sehlopha sa heso kaha re ne re bapala papali e thata le sehlopha seo re lekana ka lintlha”, ho hlalosa raliphatlalatso oa sehlopha sa mapolesa a Lesotho.

Lekhooana a supa hore tlholo ena e ba beha kaholimo ho sehlopha sa LioLi kaha ba lutse boemong ba bone liking ka lintlha tse 31 (Points).

O tobokelitse hore taba ena e boela e tsosa sehlopha morolo. Ka hona lihlopha tse mmaloa ke hona li tla khoatha.

Mokhahlelong oa pele Lioli e hlotse Simunye ka lintlha tse peli ho e lengoe (2-1), ka hona e iphetelitse.

Raliphatlalatso o bontšitse hore ba qetetse ho hlola Lioli selemong se fitileng sa lipapali ka ntlha e le ngoe ho lehe (1-0).

Ha menyeletsa Lekhooana o itse papali ea bona e latelang ke ea sehlopha sa Liphakoe ka mora lipapali tsa mohope oa MGC o tla tšoareloa Bochebeletsane, Thaba-Tseka mafelong a beke ena.

Haele mohlahlami oa raliphatlalatso oa sehlopha sa Lioli monghali Motlatsi Mofukeng o hlalositse ha sehlopha sa habo se le boemong ba ho itlhopha.

“Re sa le boemong ba tukiso, lintho ha li so kopane”, ho rialo Mofukeng.

Mofukeng ha phura leshoetla le mophatlalatsi oa rona o bontšitse hore qholotso ea ho sireletsa le ho hlasela e sa le pharela ho Lioli.

A totobatsa hore makhetlo ao ba fihlileng ka oona pele a ea fokola haholo. Le ha ho le joalo a tšepisa hore mokoetlisi oa sehlopha o tla sebetsana le liphoso tseo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close