Moqhobi oa lephele oa ahloloa

Lekhotla la maseterata la Maseru le ahlotse moqhobi oa lephele Semagele Sekonyela ho lefa likete tse peli tsa maloti ka ho Khanna koloi ka bohlasoa eaba le thula lipalami tse ‘ne tsa libaesekele.

Nyeoe ena e tsoetsepele lekhotleng ka la 21 Phato, mongoaha.

Tlolo ea molao e ile ea etsahetse White City Maseru ka la 14 Tlhakubele, monongoaha. ‘Me mojaho ona o ne o tšehelitsoe ka M60.000 ke kompone ea Matekane Group of Companies.

Ho tloha moo lekhotla le boetse la supa monna eo ka monoana ka ho Khanna koloi a se na mangolo.

Re tla hopola hore motho enoa o ne a thule lipalami tsena ka sehloho tsa tsoa likotsi tse mpe tsa kena sepetlele.    

“Ha e le bonnete ha re ea khotsofala hohang ke kahlolo ena re le mokhatlo oa libaesekele”, ho bolela raliphatlalatso oa mokhatlo oa libaesekele Lesotho monghali Malefane Morie.

A re le ha ho le joalo mokhatlo oa habo o tla tsoelapele ho kenya nyeoe ea tsekisano eo ho eona ba tla kopa lekhotloa hore monna enoa a lefe matšeiliso le libaesekele tse neng lipalangoe ke mahlasipa.

Barati ba lipapali ba bonahetse ba tšoenyehile ke kahlolo ea lekhotla. Ba supile hore ho banahala ha libapali li sa sireletseha Lesotho.

Ba itse lipalami tsena tse amahileng kotsing ena ba ne ba lebeletsoe hore ka moso ba emele naha machabeng ba be ba fofise folakha ea Lesotho holimo, empa ha ho sa tla ba bobebe hobane ba amehile kotsing eo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close