Semunye e phura leshoetla le balateli

Sehlopha sa bolo ea maoto sa sepolesa “Semunye” se ntšitse polelo moo se hlokomelisang balateli ba sona hore lipapali tsa liki ea Vodacom li ea thakhoha haufinyane.  

Re etsa khoelehetso le kopo e khethehileng hle ho lona litho tsohle tsa sepolesa ka hlompho le boikokobetso ho re fa tšehetso re le sehlopha sa Lona (LMPS FC).

Rea lumela hle le ho ananela hore ba bang ba lona ba ne ba ntse ba tšehetsa sehlopha sena empa ba tlohela mohlomong hobane ba bona sehlopha se ne se sa sebetse hantle,

Ha e le ba bang ha ba ea tloha ba se tšehetsa, empa re kopa ka ‘nete le ka tieo hle ma LMPS a matle hore le boele le khutlele sehlopheng sa rona.

Baheso, ke ka lipapali feela re ka bopang bongoe kahare ho rona le sechaba sa Basotho ka kakaretso. Ke Ka tšehetso ea lona sehlopha sena se ka boela se fihlela ho hapa mehope le ho khutlisa seriti sa sepolesa lipapaling.

Kholo le katleho ea sehlopha sena beng baka e matsohong a rona. Re lakatsa ho bona ka letsatsi le leng re lutse nqa e lengoe re bina pina e le ngoe, re tšehelitse sehlopha sa rona.

Sehlopha sena ke sa lona beng baka ha se sa botsamaise bona bo eteletse pele sehlopha seo feela.

Rea utloa ebile rea utloisisa bohloko boo le bo utloang ha sehlopha se sa sebetse hantle, ka hona re tšepisa ho sebetsa ka thata ho boela re khutlisa sehlopha moo bohle re tlang ho ikotla sefuba ka sona.

Tšehetso ea lona e etsa sebapali sa leshome le metso e mmeli, ka hona boteng ba lona kamora sehlopha bo bo hlokoa haholo beng baka

Papali ea rona ea pele ke e khahlanong le sehlopha sa CCX  mafelong a beke e tlang,  ‘me re tla le tsebisa ha morao hore na e tla bapalloa hokae.

Sehlopha se tsebile ho tekena libapali tse latelang ho tsoa lihlopheng tse bontšitsoeng ka tlase:

1. Nthebe Majoro GK (FC Likhopo)
2.Retšelisitsoe Mopeli (Lijabatho)
3.Seeiso Lerotholi. (Kick4Life )
4.Bokang Mothoane (Kick4Life)
5.Nkesi Rankhasa (Matlama )
6.Kefuoe Mahula (Matlama)
7.Katleho Koaeana (Development)

Botsamaisi ba sehlopha sa Semunye bo eme joana:

Mookameli: Raphoka Ramachaea, motlatsi oa mookameli: Semati Chitja, mookameli kakaretso (Manager): Ramosamo Ntute, mookameli oa sehlopha (Team Manager): Motšabi Letsatsi.

Mongoli: Mothibeli Mokone, ralichelete: Tumo ‘Malo , litho: Tsebo Limakatso le Teboho Ramakau, raliphatlalatso: Mosiuoa Lekhooana.

Ha e le bokoetlisi bona bo eme ka tsela e latelang:

Mokoetlisi e moholo: Seepheephe (Mochine) Matete,
Motlatsi oa mokoetlisi: Itumeleng (Metso) Galeboe




Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close