Kaizer Chiefs ke ntetekeng

Ho hlakile hore ha ho sehlopha se seholo matsatsing ana liking ea Afrika Boroa ea papali ea bolo ea maoto.

Lihloa lekhoara ho lihlopha tse peli tse kholo e leng Kaizer Chiefs le Orlando Pirates.

Maobane ka moqebelo sehlopha sa Kaizer Chiefs se bonahalang se hula ka litlhako tsa morao ka ho fetoha ntetekeng se boetse se tlabotsoe ke Maritzburg United ka lintlha tse peli ho lehe (2-0).

Lintlha tsena ka bobeli li kene karolong ea bobeli ea papali hobane lihlopha ka bobeli li ile phomolong e le lehe sehlopha ka seng.

Lihlabiloe ke mmapala pele Judas  Mosemaedi ka bobeli ba tsona ha metsotso e le 66 le ha e le 79.

 Sena se bolela hore bahlankana ba Umgungundlovu ba hlaha boemong ba bo 12 liking, ha Kaizer Chiefs eona e le boemong ba 14.

Ke boemo bo hlobaetsang bona haholo ho sehlopha se se kang Chiefs.

Ho utloahala batho ba bangata ba bokolla ka hore mokoetlisi oa sehlopha sa Kaizer Chiefs o hlolehile ka hona a itokolle.

Empa maikutlo a mang ke hore sehlopha sena se nonyetsoa ke hore se ahlotsoe hore se seke sa reka libapali lilemo tse peli tsa lipapali, hobane se lokela ho reka libapali tse ncha tse tla tsosa molota tsena tsa khale.

“Ha se tloaelo hore ebe Chiefs e mona moo e leng hona teng lokong”, ho hlalosa e mong oa balateli ba Chiefs.

Taba engoe ke hore batšehetsi ba Orlando Pirates ba bonahetse ba thabile ha Amakhosi e fumana phafa. Joale e ne e le khopolo ea bona hore Pirates e tla iphetela bolacha ho Swallow.

Empa Mosotho oa khale o opile khomo lenaka hlohong ha a re “Monokotsoa ha o butšoe ho latela lephako la tšoene”.

Kajeno ka Sontaha sehlopha sa Orlando Pirates se bapetse ka ho lekana ka nthla e le ngoe sehlopha ka seng le Moroka Swallows.

Boemfontein Celtic le Amazul le tsona tsa tšabana bophatšoa ka ntlha e le ngoe sehlopha.  

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close