Sehlopha sa Afrika Boroa sa papali ea bolo ea maoto se tsoile ka le sobana la nale ka ho bapala ka ho lekana le sa Golden Arrows ka lehe sehlopha ka seng.
Ho bonahala matsatsing ana lihloa lekhoara sehlopheng sa Pirates. Ha se khale ha se patlotsoa ka lintlha tse peli ho lehe ke Black Leopards.
Ha e le Kaizer Chiefs eona e bonahala e khutletse moo e tsejoang ka teng ka ho hlola lipapali tse tharo ka tatellano ka morao ho hore se bonahale se hula ka falese hoo se neng se theohetseng boebong ba 14 ha lihlopha kaofela tsa Afrika Boroa li le 16.
Chiefs e ile ea horahora Amazulu, Cape Town City eaba e qetela ka TTM.
Hona joale Chiefs e boemong ba bosupa ka tlasa Pirates.
Lipapaling tse ling kajeno Baroka e paqamisitse Stellenboch ka lintlha tse tharo ho tse peli. Moroka Swallows le Chipa United tsa tšabana bophatšoa ka ntlha e le ngoe sehlopha ka seng.
SuperSport United le Amazulu tsa bapala ka ho lekana ka ntlha ele ngoe sehlopha ka seng, eaba TS Galaxy e rabella Maritzburg ka lintlha tse tharo ho lehe.
Black Leopards ea utloa ka letlalo ha e mamoloa Cape Town City ka tse peli ho lehe.
Maobane Kaizer Chiefs e ile ea poqa TTM ka lintlha tse tharo ho lehe. Eaba Mamelody Sundowns le Bloemfontein Celtic li arolelana ntlha ka ho bapala ka lehe sehlopha ka seng.
Lesotho Sports Blizz 