LVA e tlotla Red Skins

Monghali Hlapane Tshehlo

Mokhatlo o tsamaisang papali ea volleyball Lesotho (LVA) o tlotla tšebetso e tsoileng matsoho ea sehlopha se ingolisitseng le sona e leng Red Skins.

Sena se tla ka morao ho hore Red Skins ea Maseru e sa tsoa intša bosoele ea fana ka mali ka boithaopo ho setsi sa pokello ea mali Maseru ka moqebelo oa beke e fitileng.

Raliphatlalatso oa LVA monghali Hlapane Tshehlo o hlalositse hore ba tsebile ka morero ona oa Red Skins pele o etsahala.

“Re le LVA sehlopha sa Red Skins joalo ka ha se sebetsa ‘moho le mokhatlo se re tsebisitse ka morero ona o motle oa ho fana ka mali” ho bolela monghali Tshehlo.

A re e le mokhatlo ba ile ba nka likhato tsa ho tsebisa ba lateli le barati ba papali ea volleyball ka morero ona oa Red Skins.

“Re motlotlo ka sehlopha sena sa Red Skins ka ketso ena e kholo ea ho khahlametsa sechaba ka lekala la bophelo, haholo hobane ho na le tlhokahalo ea mali ka hara naha”, ho tsoelapele raliphatlalatso oa LVA.

A khothaletsa hore lihlopha tse ling ka moso li kenye letsoho phanong ea mali joalo ka Red Skins.

Taba engoe e hlahileng ke hore ha ho potang hore tsamaiso ea sehlopha sa Red Skins e hlakile, ka hona e ba tsoalla litholoana tse hlabosang.

“E ka ba ka seoelo sehlopha se ka sebetsa hantle lipapaling empa se sa hlaka ka hloohong”, ho toboketsa monghali Tshehlo.

A etsa mohlala ka lihlopha tsa bolo ea maoto tse kang Bantu ea Mafeteng, Mamelodi Sundowns ea Afrika Bora le Barcelona ea mose ho maoatle.

Ka hona Red Skins ke mohlala o motle hobane se sebetsa hantle liking ea LVA, hoo ha ngata se emelang Lesotho machabeng.

Ha libapali li thabile li khothatsoa ke ka moo li tsamaisoang ka teng hoa tsona ke ho sebetsa ka thatata ka lebaleng.  

Potsong ea hore na lipapali tsa volleyball lithakhoha neng ka mora khefu khekhenene ea COVID 19, monghali Tshehlo o itse komiti e ile ea kopana haufinyane ho tšohla litaba tseo.

A supa hore ba bitsitse boemeli ba lihlopha ho phura leshoetla hore na ho tla sebetsoa joang e le ka sepheo sa thibela ho ata hoa tšoaetso ea kokoana ea COVID 19 ha lipapali li thakhoha.

O bontšitse hore ho tloha mona ba tla etsa boithuto ba hore na lihlopha li malala a laotsoe hore li ka thakhola lipapali.

A re ho na le lihlopha tse robeli tsa baroetsana le tsa bahlankana tse ingolisitseng le LVA.

Monghali Tshehlo a phethela ka hore mokhatlo ha o na botšehetsi ha joale.

Empa le ha ho le joalo ba ntse ba kokota ho motšehetsi oa bona oa mehleng e leng Metropolitan hore ba tsoelepele ka ho ba khaketsa.  

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close