Libapali tsa Lioli lifokoletsoa meputso

Tšoaetso ea seoa sa COVID 19 se fetotse litloaelo tsa bophelo bo tloaelehileng ka hara naha le lefatše kakakaretso.

Monghali Kananelo Ramokoatsi

E ntse e le litholoana tsa seoa sena botsaimaisi ba sehlopha sa Lioli bo entse phatlalatso ea hore  ka la 28 Phupu  bo kopane le libapali tsa sehlopha ho ba tsebisa ka liphephetso tse bakiloeng ke seoa sena sa COVID 19.

Ba supile hore khoebo ka kakaretso e theohile haholo hoo ba bang ba batšehetsi ba sehlopha ba ikhutseng ho thusa sehlopha.

“Re se re sebetsa le motšehetsi oa rona oa mantlha eleng Alliance Insurance Company fela”, ho bolela mohlanka oa liphatlalatso oa Lioli monghali Kananelo Snizo Ramokoatsi.

Taba ena e amme mokotla oa sehlopha le bokhoni ba ho lefa tse ling tsa boitlamo ba sona joaloka meputso ea libapali.

“Taba ea lipapali tse neng libapaloa ho se balateli le eona ebile le khahlamelo e mpe ho lichelete tsa sehlopha kaha re jarile litšenyehelo empa ho se letho le kenang.

“Ka mabaka ana sehlopha se iphumane se lokela ho fana ka tlhokomeliso ho libapali tsa sona hore se tla sitoa ho tsoelapele ho lefa meputso ea bona ho fihlela boemo bona bo ea moriting.

“Taba ena e bolela hore Lioli e tla fana ka karolo ea mashome a mahlano lekholong (50%) e le khahlametso (allowance) ho libapali ele matšeliso a nako eo ba sa theoheleng ka lebaka la seoa sena seo re leng ka hara sona”, ho hlalosa monghali Ramokoatsi.

O tsoetsepele ho hlalosa hore chelete ena e tla tsoa mokotleng o ikhethileng o reretsoeng sona seoa sena sa COVID 19, le ho thusa libapali tsa bona eleng Lioli FC COVID Relief Fund.

“Chelete ena sehlopha se tla etsa litlhophiso tse ikhethileng le libapali hore na etla sebetsa joang”, ho thatoloha Snizo.

O itse ena ke eona tsela eo ba tla thusa libapali tsa bona nakong ena e mahlonoko.

Ho sa le joalo bekeng e tlang Lioli e tla hlaisa ka pela sechaba  chebahalo e ncha ea sehlopha  “NEW LOOK”..

“Re tla hlaisa logo kapa letšoao le ntlafalitsoeng la sehlopha,. logo ena ke eona e se etla sebetsa e le ea Lioli, ‘me eona e tla sireletsoa ka molao.

Sehlopha sa Lioli

“Re tla boetse re hlaisa seaparo sa 2021/22 se setle haholo”, ho toboketsa Snizo.

O supile hore ba tla boela ba hlalosa tsela eo ba tla e sebelisa ho reka seaparo sa papali sena ka tsela e bobebe (pre-order).

“Tsena tsohle li tla etsahala bekeng e tlang, ‘me letsatsi la liketsahalo le tla phatlalatsoa”, ho phethela monghali Ramokoatsi.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close