Mokhatlo oa Taekwondo o chorisa baqolotsi

Monghali Morake Raleaka

Mokhatlo oa Taekwondo o ile oa tšoarela baqolotsi le baphatlalatsi thupelo Maseru ka la Supa Loetse monongoaha.

Sepheo sa thupelo ke hore baphatlalatsi ba tsebe melao le tsamaiso ea papali ena.

Sena se etsahala hobane Taekwondo e tla kenela lipapali tsa AUSC Region 5 under 20 tse tla koebana Lesotho mafelong a selemo sena.

Ha a bula thupelo ka molao mookameli (CEO) oa lipapali tsa AUSC Region 5 Lesotho monghali Morake Raleaka o supile hore lipapali tsena li ne li lokela ho ba ngoahola, empa tsa chechisoa ka lebaka la ho phahama hoa sekhahla sa kokoana-hloko ea Corona Lesotho le lefatšeng ka kakaretso

A re bookameli ba Region 5 ba etsa qeto ea hore li bapaloe monongoaha hona hae mona.

Monghali Raleaka o tobokelitse hore ba lokela ho kenyeletsa mafapha ohle a na le seabo lipapaling e le boitlhopho ba hore li atlehe.

“ Ho molemo hore re itlhophe hantle sebakeng sa lipapali tsena tse etsahalang ka hara COVID 19”, ho bolela monghali Raleaka.

O hlalositse hore lipapali tsena li tla bapaloa ho se na bashebelli, ka hona ho lokela hore hobe le mokhoa oo li tla fitla sechabeng le tikolohong (Region).

Ka hona bophatlalatsi bo tla kenya letsoho le toma hore lipapali li fihle sechabeng moo se leng hona teng.

Monghali Raleaka a tsoelapele ho bolela hore baphatlalatsi ba hloka koetliso e matla e le hore ba tsebe ho fana ka lipapali hantle lithabise Basotho.

Monghali Moshoeshoe Molapo

O kopile baqolotsi hore ba fane ka litlhahiso tsa bona e le ho ntlafatsa mokhoa oa tšebelisano mmoho.

Morupeli (Technical Delegate) oa thupelo monghali Moshoeshoe Molapo o bontšitse hore papali ea Taekwondo e ne e le mokhoa oa ho itšireletsa khahlanong le liphoofolo.

Ha morao ea fetoha papali e nang le melao le tsamaiso e hlakileng.

O supile hore ka 1960 e bile papali e nang le tsamaiso, melao le mahlale a ntoa.

Ka 1973 ke ha ho theoa mokhatlo oa Taekwondo oa lefatše (World Taekwondo Federation).

O phethetse ka hore papali ena e bapaloa li Olimphiking (Olympic).

Taekwondo e tla kenela lipapaling tsa AUSC Region 5 lekhetlo la pele.  Ka hona ke tlotla hore litaba tse joalo li etsahale ha lipapali tsa AUSC Rgion 5 li ts’oareloa Lesotho.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close