Boemeli ba libapali tsa bolo ea maoto tsa Lesotho bo thehile mokhatlo oa libapali tsa bolo ea maoto.
Mokhatlo ona o kenyeletsa libapali tse ntseng li le tšebetsong, mekhahlelo ea lihlopha tse kholo, A, B le C.
Hape mokhatlo ke oa libapali tsa banna le basali ba libapali.
Sepheo sa mokhatlo ho latela moeletsi oa mokhatlo monghali Tumelo Marathulo ke ho sireletsa libapali tsa Lesotho.
Sena ba tla se etsa ka hore ba eletse libapali pele li tekena likonteraka le lihlopha tseo ba libapallang.
Ba tla fana ka boramolao ba tla tataisa libapali ka linako tsohle, le ho thusa ka tšehetso ea bophelo (Medical Insurance).
Monghali Marathulo o hlalositse hore ba lakatsa ho ba setho sa mokhatlo oa lefatše o bitsoang FIFTRO, le COSAFA.
Ha joale ke linaha tse tharo fela Afrika tseo e leng litho ka mekhatlo ea tsona ea libapali tsa COSAFA e leng Afrika Boroa, Botswana le Zimbabwe.
Mokhatlo ha o phethela molao theo oa ona ba tla kopa mokhatlo oa bolo ea maoto Lesotho (LeFA) ho ba karolo ea ona.
Komiti ea nakoana ea mokhatlo ona oa libapali e eme joana:
President: Tšeliso Sello
Vice President: Ntsane Lichaba
Secretary: Percy Mohami
Vice Secretary: Leshoboro Kori
Communication Officer: Tšeole Ranthimo
Treasurer: Leluma Posholi
_________________________________________________________
Lesotho Sports Blizz 