LNOC e kotela baqolotsi ba litaba  

E le tatello ea litaba tse hlahileng ho leselinyana la Lesotho Sport Blizz (LSB) maobane moo mokhatlo oa li Olimpiki o kotelang baqolotsi le baphatlalatsi, mokhatlo oa baqolotsi ba litaba tsa lipapali oa Lesotho o ngoletse LNOC.

Hoea ka raliphatlalatso oa Sports Reporters Association of Lesotho monghali Tebalo Lebajoa ka morao ho hore ebe litho tsa oona ha li ea khotsofalla ho koalloa mamati ke LNOC ba ile ba nka bohato ba ho ngolla LNOC.

Taba boholo e ntse e le hore na hobaneng baqolotsi ba keke ba lumelloa ho etsa tšebetso ea bona ea ho fa Basotho litaba tsa mmoka oa kakaretso oa LNOC o tla tšoaroa ka la 17 khoeling ena Maseru Avani Maseru.

Karabong ea LNOC ba supile hore molao theo oa bona o lumella fela litho tsa bona ho ba le seabo sa mmoka oo e seng baqolotsi.

Se makalitseng mokhatlo oa SRAL ke hore lengolo la pele le neng le mema baqolotsi ho hlalositsoe hore ho latela seoa sa COVID ho tla lumelloa fela baqolotsi ho ba teng pulong ea mmoka le ha ho khethoa.

Mokhatlo o ipotsa hore na hantle ho patoa eng ke LNOC hobane litaba tse tšohloang moo ke tsa sechaba, ‘me se ka litseba ka bophatlalatsi ba Lesotho.

SRA e boetse ea nyakurela molao oa motheo oa LNOC, ha ho moo o reng baqolotsi ba seke ba lumelloa mmokeng oa selemo, e le hore ke boiqapelo fela taba ena kapa lithahasello tsa batho a itseng.

Le ha ho le joalo SRAL ha e so felloe ke tšepo ea hore mohlomong LNOC e ka fetola maikutlo a eona ha ‘mela o ntse o puta.

___________________________________________________________________________

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close