Lihlopha tse itukisetsang lipapali tsa AUSC Region 5 tsa ba ka tlase ho lilemo tse 20 likhethiloe ka katleho haufinyane.
Mohlala ke sehlopha sa volleyball se khethiloeng ka Laboraro le fitileng, ‘me ho thontsoe libapali tse 12 kaofela.
Libapali li lebeletsoe ho ba sebakeng se le seng mafelo a beke ho tloha ka Labohlano ho fitlela ka Sontaha.
Moetapele oa sehlopha (Chef De Mission) sa Lesotho monghali Caswell Moru o hlalositse hore ba ea litlholisanong lipapaling tsena e bile ba batla ho hapa mehope sebakeng sa Lesotho.
A re holatela hore ba ntse ba sebetsana le bana ba likolo tse fapakaneng ba tla lokela ho ba kopa ho mesuoe ea bona hore ba ba lokolle.
Le ha ho le joalo monghali Moru o supile hore ba se ba lebeletse ho tla fumana chelete ea mokhahlelo oa bobeli haufinyane.
Ka hona ba khotsofetse hore ba tla itlhophisa hantle ho se na mathata.
Qholotso e hlahellang ke hore joalo ka ha lipapali li tla thakhoha ka la Tharo Tšitoe ke nako eo le lihlahlobo li tla be li tsoelapele.
Ka hara lihlahlobo tseo ke bana ba qetelang bao ho se nang mokhoa oa hore ba ka qoba litlhatlhobo tseo.
Lesotho Sports Blizz 