ADMACO e thakhola lipapali Bambhatha

Komiti e tsamaisang lipapali tsa boebo ba bobeli (ADMACO) ba papali ea bolo ea maoto ka hara naha ea Lesotho e ntšitse phatlalatso e lateleng:

“Ke le tsebisa hore ka mora ho lebella nako e telele re emetse taba ea Top 8 le Champ of Champs kajeno re motlotlo ho le tsebisa hore leseli le teng litabeng tseo”, ke polelo ea ADMACO

Raliphatlalatso oa ADMACO monghali Mothusi Letsie o supile hore barati ba lipapali ba tla hopola hore tse robeli tse ka holimo le lihlopha tse tsekang bompoli (Top 8 le Champ of Champs) li tšehetsoa ke Ned Bank ka lichelete, empa ho latela maemo a moruo batšehetsi ba bona ho bonahala ba na le mathata a lichelete.

A supa hore ba ntse ba baea ka liboko hore ba tsoele pele ka tšehetso eo.

“Leha ho le joalo re se re entse kopo  ho LeFA hore haeba Ned Bank e ntse sa tsoele pele ba tle ba ba eme nokeng.

“Ka hona ke kopa ho le tsebisa hore ka hora ea 11 ka la Pele ‘Mesa monongoaha, ka Bambatha e tla ba ho khethoa ka lotho ea lihlopha tse robeli tse ka holimo (draw ea Top 8) ”,  ho hlalosa monghali Letsie.

O tsoetse pele ho supa hore bekeng ea 23 le 24 ‘Mesa  lihlopha tse robeli li tla bapala mokhahlelo oa pele.

Ka la 30 ‘Mesa ho bapaloe se ka makhaola khang (Semi-finals) ebe makhaola khang a ba ka la Pele khoeling e hlahlamang.

Monghali Letsie a toboketsa hore ka la 15 Motšeanong, eba lipapali tsa lihlopha tse tsekang bompoli.

Lipapali tsena kaofela li tla bapalloa Bambatha Tšita Sports Arena.

_________________________________________________________________________________

Advert

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close