Sehlopha sa Mohales’hoek English Medium sa banana ba lilemo li ka tlase ho lilemo tse 13 se hapile tlholisano ea papali ea cricket e neng e tšoaretsoe Mohales’hoek mafelo a beke e fitileng.
Lipapali tsena tse bapetseng ho tloha ka la 22 ho fihlela ka la 24 monongoaha e bile tse atlehileng haholo ho latela botsamaisi ba tsona.
Ha e le sehlopha sa Good Shepherd sona se hlahile bobeling.
Ka lehlakoreng la bashanyana Mohales’hoek LEC ke eona e bileng mpoli, ea hlahlangoa ke Bothobapelo.
Ka hona lihlopha tse hlahileng boemong ba pele li hapile mohope le likhau tsa khauta (Gold Medals).
Eaba tsa bobeli tsona li hapa likhau tsa silifere (Silver Medals).
Ke likolo tse robeli tsa mathomo tse neng li kenetse tlholisano ena, e leng Bothobapelo, Good Shepherd, Matsatseng, Mohales’hoek English Medium, St. Patrick, St. Stevens, Mohales’hoek LEC le ba memuoa (Mohales’hoek Invitation).
Lipapali tsena li ne litšehelitsoe ka lichelete ke mokhatlo oa lefatše (ICC) oa Cricket.
___________________________________________________________________________________
Papatso
Lesotho Sports Blizz 