Kaizer Chiefs e hula ka falese

Sehlopha sa Afrika Boroa Kaizer Chiefs se hula ka falese monongoaha.

Kajeno se poqiloe ke sehlopha sa Golden Arrows ka lintlha tse peli ho e le ngoe.

Chiefs e hlabile ntlha pele ha metsotso e le 18 papali e thakhohile ka leoto la Billiat, eaba e fella hona moo.

Ke moo ha li khutla phomolong eaba Golden Arrows e hlaba ntlha ha metsotso e le 60 papali e tsoela pele. Ea khutla hape ka ea bobeli ha metsotso e le 87 ka Conco le Gumede ka tatellano.  

Sena se bolela hore Amakhosi e boemong ba bohlano liking, ha Arrows eona e le ho ba bo robong.

Papali engoe ea liki ea Afrika Boroa e shebiloeng ka leihlo le nchocho ke e lipakeng tsa Orlando Pirates le Chippa United. Le eona e bapaloa hona kajeno.

Ka morao ho moo e tla ba e lipakeng tsa Mamelodi Sundowns le Cape Town City. Tsona li tla khitlana ha hora ea bosupa e fitile ka metsotso e 30.

____________________________________________________________________________