Lihloa lekhoara lipapaling tsa selekane Birmingham – Basotho ba hula ka tlhako tsa morao

Ke letsatsi la botšelela lipapali tsa selekane li ntse li tsoela pele mose ho maoatle England moo Lesotho le lona le sa itheka moroalo le le ka hare ho batho.

Ha ho nko hotsoa lemina hobane Lesotho ha le so hape khau le ha e le ngoe fela.

Sepalami sa Lesotho

Taba e nyarosang ka ho fitisa ke ho bona libapali li sa phethele li tsoa ka lehare.

Ha se khale ha sebapali sa mabelo a malelele se sa phethele lebelo maobanyana mona.

Taba tse tšoanang li boetse li etsahetse letsatsing la botšelela moo lipalami tsa libaesekele tse peli  eleng Phetetso Monese le Tumelo Makae ba sa qetang mojaho oa bona.

Puisanong le raliphatlalatso oa mokhatlo oa mabelo (Federation of Cycling Lesotho) monghali Malefane Morie e ne e le ha leeto la lipalami tsena le fella hona mona.

Monghali Morie o hlasositse hore sepalami sa pele se tsoile lekhetlong la botšelela ho makhetlo a robeli kaofela.

A re ha e le Makae eena o ntšitsoe lekhetlong la borobeli e leng la ho qetela. A bontša hore motho ea ka pele mojahong oo o kolotisitse oa Lesotho.

O tsoetse pele ho toboketsa hore monna oa Zambia o hlile a lula Makae koenya-lebele ka ho mopalamisa ha bohloko e le hore oa habo a tsebe ho hlaha tjaro ea mabona.

“Le ha ho le joalo ke ka moo papali ena e sebelisang maqheka ka teng ha se mohlolo”, ho bolela monghali Morie.

A re ha e le Monese taba ena e mo etsahalla lekhetlo la bobeli hobane e ne e etsahale Namibia ka ‘Mesa monongoaha, hoo o ne a hlahile boemong ba bosupa.

O phethetse litaba tsa hae ka hore ho se ho setse lipalami tse ling tse peli tse tla kenela lebelo ka la Supa khoeling ena e holimo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close