Likolo tsa mathomo tse kaholimo ho leshome li tla tšoara lipapali tsa cricket sekolong sa Cana Berea Lesotho ka Moqebelo oa la 15 Mphalane monongoaha.
Lipapali tsena li hlophisitsoe le ho tšehetsoa ke mokhatlo o tsamaisang papali ea cricket ka hara naha (LCA).
Sekolo ka seng se lebeletsoe ho tlisa bana ba bashanyana le banana ba lekholo ba lilemo li lipakeng tsa robong le 13.
Hoea ka mohlophisi oa lipapali tsena e bile e le mongoli oa mokhatlo oa Cricket Lesotho mofumahali Anna Moeti Thoahlane o hlalositse hore lihlopha tse peli tse fitlang li tla abeloa thepa ea ho bapala.
Likolo tseo ke sa Tšekelo R.C le Masoeling.
Lihlopha tse ling tse tla kenela lipapali tsena tsa tikoloho ea TY (TY Zone B) ke:
- Tšekelo LECSA
- Mokhehle
- Thotapeli
- Cana
- Phoofolo
- St. David
- Mantoetse
- Lenea
- Ty. Eng. Medium
Mofumahali Thoahlane o phethetse puo ea hae ka ho supa hore lihlopha tse kenetseng lipapali tsena li tla fumana li “bat” tse peli sehlopha ka seng.
Lesotho Sports Blizz 