Mokhatlo oa cricket Lesotho (LCA) o ile oa tšoarela bana ba lilemo li lipakeng tsa lilemo tse robong le tse 13 lipapali tsa cricket Berea ka Moqebelo oa la 15 Mphalane monongoaha.
Lipapali tsena tse neng libapalloa sekolong sa mathomo Cana e bile tse atlehileng haholo.
Ke likolo tse 11 tse bileng le seabo lipapaling tsena tse kenyelelitseng banana le bashanyana.
Likolo tsa mathomo tse bileng le seabo ke tse lateng:
Tšekelo RC, Masoeling, Cana, St. David, Tšiame, Tšekelo LECSA, Mokhehle, Phoofolo, TY English Medium le Thota-peli.
Kakaretso ea bana ba ba bileng mono ke 401. Ke hona mona moo likolo tse kenetseng lipapali tsena (Cricket festival) li ileng tsa khahlametsoa ka thepa e bapalang e leng cricket bats, libolo le stumps.
Lipapali tse tšoanang li lebetsoe ho e tsahala seterekeng sa Mohale’s hoek ka la 22 khoeling e holimo lebaleng la peiso ea lipere (Mohale’s hoek racecourse).
Sena se boletsoe ke mohlanka oa likoetliso oa mokhatlo oa Cricket Lesotho monghali Lekoatsa Chaka.
.
Lesotho Sports Blizz 