Red Skins ea ipabola Afrika Boroa

Sehlopha sa papali ea volleyball sa bahlankana se tsebahalang haholo ka hara naha e leng Red Skins se hlahile boemong ba bobeli sa hapa R3, 000.00.

Monghali Ts’epo Raletooane

Ke lihlopha tse robeli kaofela tsa Afrika Boroa le Lesotho tse neng li kenetse lipapali tseo Bloemfontein Afrika Boroa tse kenyeletsang Bad News, Genesis, BFC, Bazookas, Helping Hand, LDF, Mahlaseli le Red Skins.

Lihlopha tsena li ne li arotsoe ka lihlotšoana (Pool) tse peli (A le B).

Hoea ka mokoetlisi oa Red Skins monghali Tšepo Raletooane sehlopha sa habo se ne se le sehlotšoaneng sa bobeli.

“Re atlehile ho hlola lihlopha tsohle ka hara sehlotšoana sa rona ka tse peli ho lehe (2:0). Eaba re bapala le Bad News ho seka makhaola khang le eona ra emamola ka lintlha tse peli ho lehe ra fetela ho makhaola khang”, ho hlalosa monghali Raletooane.

A re ke moo ba ileng ba lebahanya thebe le sehlopha sa Bazookas ho makhaola khang, eaba se ba tlabola ka lintlha tse peli ho e le ngoe (2:1).

Ka hona Bazookas e ikhapetse R5, 000. 00.

Ha e le sehlopha sa baroetsana sa Red Skins le sona se hlahile boemong ba bobeli.

Potsong ea hore na joalo ka ha sepheo sa lipapali tseo e le boitlhophelo ba litlholisano tsa Club Championship Zambia, na ba fihletse sepheo seo?

Monghali Raletooane o bontšitse hore boebo ba tlholisano ena ea Bloemfontein e ne e le bo amohelehang, ka hona bo kentse letsoho boikoetlisong ba sehlopha sa habo.

“Ke thabile haholo hore ebe bahlankana ba bile le seabo tlholisanong ea mofuta ona. Re bapetse le sehlopha sa Eastern Cape le Gauteng, ka hona ba fumane thloilsano e matla”, ho bolela mokoetlisi.

Monghali Raletooane o tobokelitse hore Bazookas eona e kenela lipapali tsa Zone VI ha ngata ka hona ba na le boiphihlelo.

“Libapali tse tharo tsa Bazookas li tsoa Zimbabwe le Eswatini, ka hona e bile boikoetliso bo matla haholo”, ho phethela monghali Raletooane.

O tsoetse pele ho hlalosa hore libapali tsa hae ha li so lokolloe kaofela sebakeng sa leeto Zambia.

A supa hore ka hara bahlankana ba 14 o atlehile ho leba Bloemfontein ka ba robong fela, empa o na le tšepo ea hore ba tla lokolloa kaofela pele ba tsamaea.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close