Sehlopha sa volleyball se ea nyanyaka Malawi, AUSC Region 5

Le ha ho bile thata pele sehlopha sa naha sa ba ka tlase ho lilemo tse 20 lipapaling tsa AUSC Region 5 tse tsoelang pele Malawi sehlopha sa baroetsana se tlabotse Zambia ka lintlha tse tharo ho lehe (3-0).

Papali ena ke bapetsoe maobane e le ea bobeli, ha papaling ea pele Lesotho le ile la halaloa ke Mozambique ka tse tharo ho lehe.

Puisanong ea rona le ea tšoereng molepo e le mookameli oa mokhatlo oa volleyball (LVA) monghali Masoli Khoanyane o hlalositse hore le ha sehlopha sa baroetsana se sa fumana boikoetliso bo tšoanelehang pele ba nka leeto empa ba sebetsa ka thata.

Sehlopha sa Lesotho sa volleyball sa baroetsana ba ka tlaase ho lilemo tse 20

“Sehlopha sena se re hopotsa tšebetso ea sona ea ngoahola ha se ne se tebuka lipapaling tsa mofuta ona koano hae”, ho rialo mookameli oa LVA.

A re ke baroetsana ba supileng kaofela ba neng  ba na le seabo sehlopheng seo sa ngoahola ba ntseng ba le teng sehlopheng monongoaha.

Monghali Khoanyane a supa hore le ha ho na le khaello e fokolang sebakeng sa hlaselo empa bakoetlisi ba entse mosebetsi oa bona o tsoileng matsoho.

A tsoela pele ho supa hore pelaeolo ea hae ke hore papaling ea pele mokhathala e bile le baka la hore e be ba hlotsoe.

“Ke ile ka hlokomela hore papaling ea pele mokhathala le ho se tloaele sebaka seo e bile lona lebaka le kentseng letsoho hore ebe sehlopha ha sea sebetsa hantle”, ho rialo mookameli.  

A bontša hore papaling ea bobeli libapali li ne li hlasela li thibeletsa ka thata, e leng se ba tsoaletseng litholoana tse hlabosang.

O entse mohlala ka Palesa Hlao oa Thaba-Tseka eo a neng a theohetse ka mokhoa oo ba sa u tloaelang a le sepheo. 

“Lihlopha tsena li itlhophile khahlanong le rona hobane ba re tseba hantle ba re bone ngoahola. Joale re lokela ho sebetsa ka matla khahlanong le bona”, ho toboketsa monghali Khoanyane.

Ke lihlopha tse supileng tse kenetseng lipapali tsena tsa volleyball, ka hona li bopiloe ka lihlotšoana tse peli.

Empa sehlopha se tla hlahella ka holimo ka lintlha se tla tsoa tjaro ea mabona.

Tse setseng li tla bapala li loantšane hore li fetele mokhahlelong oa seka makhaola khang, ‘me ba tla sebetsa ka thata ho fetela mokhahlelong o hlahlamang.

“Hona tjena ha re sa na taba ea hore re bile le mathata mane le mane ho teng ke ho isa ntoa bathong, ‘me kajeno re tla bapala le Afrika Boroa”, ho phethela monghali Khoanyane.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close