Lipapali tsa cricket libakeng tse fapakaneng ka hara lefatše li thakhohile ka matla ka mora phomolo ea keresemese le ho ketekela selemo se secha sa 2023.
Ka hona sehlopha sa Afrika Boroa se thakhotse papali ea letoto la mekhahlelo e meraro eo e bapalang mokhahlelong oa boraro (Test 3 of 3) kajeno (04.01.2023).
Papali ena e bapalloang lebaleng la Sydney Cricket, Australia, sehlopha sa Australia se ile sa hapa khetho ka lotho eaba e ikhethela ho otla libolo (Bat).
Mokhahlelong ona oa pele (First Innings) Australia e se e bokeletse lintlha (Runs) tse 147 ho tsoile libapali tse peli. Ha e le Afrika Boroa eona ha e so kenye letho ka mokotleng hobane ke eona entseng e betsa libolo (Bowling).
Le ha ho le joalo Australia e se e lihula pele ka liteko tse peli ho lehe (2-0).
Papali ena e tla tsoela pele boesa.
Lesotho Sports Blizz 